BE 79 DI NA PONJOT ROHANGKU

hitabatak.com > Buku ende > BE 79 DI NA PONJOT ROHANGKU

BE 79 DI NA PONJOT ROHANGKU

1

Di na ponjot rohangku, binaen ni dosangki

Paingot au Tuhanku, di hamamateMi

Di hau na pinarsilang i, digarar Ho utangku, marhite mudarMi.

2

Tama longang rohangku, mamingkir hata on.

PanghophopMi Tuhanku, di au pardosa on.

Ai hosa ni AnakNa i, dilehon Debatangku, tumobus tondingki.

3

Tung aha panginona ni dosangki di au?

Ai asi ni rohaNa do paluahon au

Dibaen naung mate Jesuski ndang be habiaranku banua toru i

4

Antong sai pujionku do Ho o Jesuski

Marningot na tinaonMu do hamamateMi

Marningot angguhanggukMi ro di sude na bernit na tinaonMi disi

5

Laos i ma pajujuhon, rohangku sai tongtong

Manggotap hajahaton, sian rohangkinon

Unang huhalupahon be halojaonMu Tuhan nang tung satongkin pe.

6

Urupi au o Tuhan, tumaon di tano on

Saluhut parsorion na songgop tu au on

Ho ma hutiru sai tongtong manaoni na so uhum na di portibi on.

7

Sai naeng ma tiruonku, pambaenanMi di au

Tu sasude donganku,Jesus urupi au

Manghaholongi donganki, unang tung marpambuat nang marpangansi pe

8

Sai sonang ma rohangku, binaen ni bugangMi

Di na lao tos hosangku, marningot mudarMi

Pos ma rohangku baenon ni, pamasuhonMu ahu, marnida bohiMi.

 

Baca Juga  BE 350 HATIHA NA SO SALPU BE 2
0 0 vote
Article Rating
Subscribe
Notify of
0 Comments
Inline Feedbacks
View all comments
0
Would love your thoughts, please comment.x
()
x

Aplikasi Hitabatak di Genggaman Anda

Download Sekarang di PlayStore.