Punguan Umpasa Dina Laho Marsirang

Pidong sitapitapi, habang diatas hauma.

Horas ma hamu na hupaborhat hami,

Horas hami na tininggalhon muna.

 

Dolok ni Panampahan, tondongkon ni Tarabunga.

Sai horas ma hamu dipardalanan songoni dung sahat tu inganan muna.

 

Tombak ni Sipinggan di dolok ni Sitapongan.

Di dia pe hita tinggal, sai tong ma hita masihaholongan.

 

Eme sitambatua parlinggoman ni siborok.

Amanta Debata do silehon tua, sai luhutna ma hita diparorot.

 

Mangerbang bungabunga, ditiur ni mata ni ari.

Selamat jalan ma dihamuna, selamat tinggal ma di hami.

 

Sai marrongkap mai songon bagot, marsibar songon ambalang,

jala sai masigomgoman ma tondi ni nasida tu na tama.

 

Facebook Comments
About Hitabatak 1144 Articles
Berbagi informasi menarik tentang Batak.