Punguan Umpasa Pasupasu

umpasa batak

Tubu ma singkoru di lambung ni tandiang
Sai tibu ma hamu marurat tu toru jala tibu marbulung tu ginjang

Na hinunti hirang marisi gadong sipapua
Badanmuna ma na so sirang sahat tu na saurmatua

Tinampul bulung salak laos hona bulung singkoru
Sai tibu ma hamu paabingabing anak jala tibu mangompa boru

Horbo ni sibuluan manjampal di balian
Sai manumpak ma di hamu Tuhan, Sai tiur nang pansarian

Balintang ma pagabe tumandalhon sitadoan
Saut ma angka ianangkonta i gabe ai nungnga saut hita masipaolooloan

Aek Sihurukhuruk tu silanlan aek Toba
Ndang adong be na marungutungut, nungnga sude hita marlas ni roha

Bintang na rumiris tu ombun na sumorop, toho di rondang ni bulan
Anak pe antong di nasida sai riris, boru pe torop, angka sioloi Tuhan

Simbora gukguk rarak diatas amak
Mamora ma hita huhut, torop ma boru dohot anak

Laklak ma diginjang pintu singkoru ginolomgolom
Sai maranak ma nasida sampulu pitu, marboru sampulu onom

Urat ni nangka ma tu urat ni hotang
Tu dia pe nasida mangalanka ba sai disi ma nasida dapotan

songonon ma akka umpasa batak na lao marsirang :

Pidong sitapitapi, habang diatas hauma
Horas ma hamu na hupaborhat hami
Horas hami na tininggalhonmuna

Dolok ni Panampahan, tondongkon ni Tarabunga
Sai horas ma hamu dipardalanan songoni dung sahat tu inganan muna

Tombak ni Sipinggan di dolok ni Sitapongan
Di dia pe hita tinggal, sai tong ma hita masihaholongan

Eme sitambatua parlinggoman ni siborok
Amanta Debata do silehon tua, sai luhutna ma hita diparorot

Mangerbang bungabunga, ditiur ni mata ni ari
Selamat jalan ma dihamuna, selamat tinggal ma di hami

Facebook Comments
About Hitabatak 1144 Articles
Berbagi informasi menarik tentang Batak.