BE 796B ASI NI ROHAM DO

1

Asi ni rohaM do na mangompa au

Sahat ro di surgo asianMu au.

2

Ro di na ubanon sian posongki

Ho do mandongani au pinillitMi.

3

Sai pasautonMu baga-bagaMi

Abing-abingonMu au na loja i.

4

Ho do Sipalua na mangompa i

Ndang hea tarhirim partangiang i.

5

Lan do naung jumolo niasianMi.

Hot do asi roha sijaloonki.

6

Ndang porlu holsoan au dingolungki

Sasude boi tupa di dok hataMi.

7

Songon na sai lan dipangompaMi

Tuk hagoonMu patupahon i.